Papa Françesku u ka bërë thirrje të gjithë priftërinjve të mbajnë predikimet e tyre të shkurtra.
Sipas tij, një hap i tillë duhet bërë sa më parë për shkak se njerëzit e humbasin vëmëndjen përgjatë predikimeve të gjata, duke e cilësuar sikur “bien në gjumë”.
Papa Frannçesku sugjeron që predikimet të mbahen maksimalisht deri në 8 minuta, “për të parandaluar anëtarët e kongregacionit të tundin kokën”, siç shprehet ai.
Predikimi, ose mesazhi i dhënë gjatë një shërbimi në kishë, “duhet të jetë i shkurtër: një imazh, një mendim, një ndjenjë”, tha Papa gjatë audiencës së tij javore të mërkurën.
“Priftërinjtë ndonjëherë flasin shumë dhe ju nuk e kuptoni se për çfarë po flasin.”, shtroi ai.
Një predikim në një shërbesë katolike romake zakonisht pason një lexim nga Bibla dhe përdoret për të përforcuar mësimin.
